काठमाडौं । एन्कर (Anker) र साउन्डकोर (soundcore) ले नेपालभर सञ्चालन गरिएको उपभोक्ता अभियान ‘एन्कर पावर हंगामा २०२६’ का विजेताहरू घोषणा गरेका छन्। ग्राहकलाई सम्मान र पुरस्कृत गर्ने उद्देश्यले सञ्चालन गरिएको उक्त अभियानको विजेता छनोट शुक्रबार काठमाडौंको हात्तिसारस्थित अरन्या बुटिक होटलमा आयोजित लक्की ड्र समारोहमार्फत गरिएको हो।
समारोहमा प्रमुख खुद्रा विक्रेता, वितरक, सरोकारवाला तथा आमन्त्रित अतिथिहरूको सहभागिता रहेको थियो। कार्यक्रममा अभियानको सफल समापनको उत्सव मनाउँदै देशभरबाट सहभागी भएका ग्राहकप्रति आभार व्यक्त गरिएको थियो।
सेलुसिटी इन्टरनेशनल प्रालिका निर्देशक अनमित्राले नेपालका ग्राहकहरूले एन्कर र साउन्डकोर ब्रान्डप्रति देखाएको विश्वासको सम्मानस्वरूप यो अभियान सञ्चालन गरिएको बताए। उनले ग्राहक, खुद्रा विक्रेता, वितरक तथा सरोकारवालाको निरन्तर सहयोगले अभियान सफल भएको उल्लेख गर्दै यसले उपभोक्तासँगको सम्बन्ध अझ सुदृढ बनाएको बताए।
अभियानअन्तर्गत सहभागी स्टोरहरूबाट ३ हजार रुपैयाँ वा सोभन्दा बढी मूल्यका एन्कर वा साउन्डकोरका उत्पादन खरिद गर्ने ग्राहकलाई लक्की ड्र कुपन प्रदान गरिएको थियो। प्रत्येक वैध कुपन अन्तिम ड्रमा सहभागी हुने व्यवस्था गरिएको थियो।
अभियान दुई चरणमा सञ्चालन गरिएको थियो। पहिलो चरण २०२५ डिसेम्बर १ देखि २०२६ जनवरी ३१ सम्म र दोस्रो चरण २०२६ मार्च १ देखि अप्रिल ३० सम्म सञ्चालन भएको थियो। अभियान अवधिमा दराजमार्फत गरिएका योग्य खरिदहरूलाई समेत समावेश गरिएको थियो, जसले देशभरका थप ग्राहकलाई सहभागी हुने अवसर प्रदान गरेको थियो।
लक्की ड्र समारोहमा वैध कुपनहरूको छनोट गरी विजेता कुपन नम्बर सार्वजनिक गरिएको आयोजकले जनाएको छ। विजेताहरूको विवरण आवश्यक प्रमाणीकरण प्रक्रिया पूरा भएपछि सम्बन्धित व्यक्तिलाई सम्पर्क गरी पुरस्कार वितरण गरिनेछ।
अभियानका प्रमुख पुरस्कारहरूमा एक थान डोङफेङ नाम्मी बक्स कार बम्पर पुरस्कारका रूपमा रहेको थियो। यसबाहेक दुई थान रोयल इन्फिल्ड हन्टर ३५० मोटरसाइकल, तीन थान सुनका सिक्का, दुई जनाका लागि थाइल्यान्ड भ्रमण प्याकेज तथा दुई थान वासिङ मेसिन समेत समावेश थिए।
कम्पनीका अनुसार यस अभियानले ग्राहकलाई अधिकृत बिक्री केन्द्रबाट खरिद गर्न प्रोत्साहित गर्नुका साथै खुद्रा व्यापार प्रवर्द्धन, उत्पादनको पहुँच विस्तार तथा ग्राहकसँगको सम्बन्धलाई थप मजबुत बनाउन महत्वपूर्ण भूमिका खेलेको छ।
अभियानको सफल समापनसँगै एन्कर र साउन्डकोरले नेपाली बजारमा भरपर्दो चार्जिङ समाधान, नवीन अडियो उत्पादन तथा आकर्षक उपभोक्ता अभियानमार्फत उत्कृष्ट ग्राहक अनुभव प्रदान गर्ने प्रतिबद्धता दोहोर्याएका छन्।