काठमाडौं।
विश्वप्रसिद्ध प्रविधि ब्रान्ड साओमी (Xiaomi) ले बहुप्रतिक्षित रेडमी नोट १५ सिरिज आज काठमाडौंमा औपचारिक रूपमा सार्वजनिक गरेको छ। यस सिरिजअन्तर्गत रेडमी नोट १५ प्रो+ ५जी, रेडमी नोट १५ प्रो ५जी, रेडमी नोट १५ ५जी र रेडमी नोट १५ ४जी गरी चारवटा मोडल नेपाली बजारमा उपलब्ध गराइएको छ।
फ्ल्यागसिप मोडल: रेडमी नोट १५ प्रो+ ५जी
सिरिजको प्रमुख मोडल रेडमी नोट १५ प्रो+ ५जी मा ६,५०० mAh क्षमताको सिलिकन–कार्बन ब्याट्री, १००W हाइपरचार्ज सपोर्ट, स्न्यापड्रागन ७एस जेन ४ प्रोसेसर तथा २०० मेगापिक्सेलको शक्तिशाली क्यामेरा समावेश गरिएको छ। उच्च ब्राइटनेस एमोलेड डिस्प्ले, आइसलुप कुलिङ सिस्टम र उन्नत सुरक्षा रेटिङले यसलाई फ्ल्यागसिप सेग्मेन्टमा स्थापित गरेको कम्पनीको दाबी छ।
रेडमी नोट १५ प्रो ५जी र नोट १५ ५जी
रेडमी नोट १५ प्रो ५जी मा मिडियाटेक डाइमेन्सिटी ७४००–अल्ट्रा प्रोसेसर, २०० मेगापिक्सेल क्यामेरा र विभिन्न एआई आधारित फिचरहरू दिइएका छन्।
त्यसैगरी, नोट १५ ५जी सिरिजकै सबैभन्दा पातलो स्मार्टफोनका रूपमा प्रस्तुत गरिएको छ, जसमा १०८ मेगापिक्सेल क्यामेरा, ४५W फास्ट चार्जिङ र उज्यालो एमोलेड डिस्प्ले रहेको छ।
रेडमी नोट १५ ४जी
रेडमी नोट १५ ४जी मोडलमा ६,००० mAh ब्याट्री, १०८ मेगापिक्सेल क्यामेरा, १२० हर्ट्ज रिफ्रेस रेट र मिडियाटेक हेलियो जी१०० अल्ट्रा प्रोसेसर समावेश गरिएको छ।
मूल्य र उपलब्धता
रेडमी नोट १५ सिरिज नेपालभर टेलि डाइरेक्ट प्रा.लि. र वत्स इम्पैक्स प्रा.लि. मार्फत बिक्रीमा ल्याइएको छ। यी स्मार्टफोनको मूल्य नेपाली बजारमा २९,९९९ रुपैयाँदेखि ६६,९९९ रुपैयाँसम्म निर्धारण गरिएको छ।
लन्च अफर
लन्चको अवसरमा सबै मोडलमा ९ महिनासम्मको ०% ईएमआई सुविधा प्रदान गरिनुका साथै साओमी बड्स खरिदमा विशेष छुटसमेत उपलब्ध गराइएको कम्पनीले जनाएको छ।