काठमाडौं । नेपाल आयल निगमले डिजेल र मट्टीतेलको मूल्य घटाएको छ। गएरातिदेखि लागू हुने गरी दुवै इन्धनको खुद्रा मूल्य प्रतिलिटर एक रुपैयाँले घटाइएको निगमले जनाएको छ।
पेट्रोल र खाना पकाउने ग्यास (एलपी ग्यास) को मूल्य भने यथावत कायम रहेको छ।
नयाँ मूल्यअनुसार
पहिलो वर्ग (चारआली, विराटनगर, वीरगञ्ज, जनकपुर, अमलेखगन्ज, भलवारी, नेपालगन्ज, धनगढी)
→ डिजेल/मट्टीतेल: रु. १४१.५० प्रति लिटर
दोस्रो वर्ग (सुर्खेत, दाङ)
→ रु. १४३ प्रति लिटर
तेस्रो वर्ग (काठमाडौं, पोखरा, दिपायल)
→ रु. १४४ प्रति लिटर
यस्तै, हवाई इन्धनको मूल्यमा पनि परिवर्तन गरिएको छ।
आन्तरिक हवाई इन्धन: प्रति लिटर रु. १२८
अन्तर्राष्ट्रिय हवाई इन्धन: प्रतिकिलोलिटर ७ अमेरिकी डलरले वृद्धि
मूल्य समायोजनपछि पेट्रोल र ग्यास यथावत रहेकाले उपभोक्ताले तत्काल राहत नपाए पनि डिजेल–मट्टीतेल प्रयोगकर्ताले भने केही मूल्य घटेको लाभ पाउनेछन्।