काठमाडौं । प्रिमियर लिग फुटबलमा म्यानचेस्टर युनाइटेड लिभरपुलसंग हारेको छ । आइतबार रातिको खेलमा लिभरपुलले युनाइटेडलाई ५–० गोल अन्तरले पराजित गरेको हो । लिभरपुलले १० खेलाडीमा समेटिएको युनाइटेडमाथि जित निकालेको छ ।
युनाइटेडको घरेलु मैदानमा लिभरपुललाई जित दिलाउन मोहमद सलाहले ह्याट्रिक पूरा गरे । त्यस्तै नेबी केइटा र डिएगो जोटाले एक–एक गोल गरे । केइटाले गोल गर्दै खेलको पाँचौ मिनेटमा लिभरपुललाई अग्रता दिलाए । १३औँ मिनेटमा जोटाले गोल गर्दै लिभरपुलको अग्रता दोब्बर पारे ।
त्यस्तै ३८औँ मिनेटमा सलाहले गोल गर्दै टिमको अग्रता ३–० को बनाए । पहिलो हाफको इन्जुरी समयमा सलाहले व्यक्तिगत दोस्रो गोल गर्दै टोलीलाई ४–० को अग्रता दिलाए । ५०औँ मिनेटमा सलाहको ह्याट्रिकसंगै लिभरपुले ५–० को जित निकाल्न सफल भयो ।
प्रकाशित मिति : २०७८ कार्तिक ८ गते सोमवार