काठमाडौं । उत्तर अमेरिकामा जारी २०२६ फिफा विश्वकपको क्वाटरफाइनल समीकरण पूरा भएको छ। बुधबार बिहान स्विट्जरल्यान्ड र कोलम्बियाबीचको प्रिक्वाटरफाइनल समाप्त भएसँगै अन्तिम आठमा पुग्ने सबै टोली र उनीहरूका प्रतिद्वन्द्वी तय भएका छन्।
यसपटक क्वाटरफाइनलमा युरोपका सर्वाधिक ६ टोली पुगेका छन् भने दक्षिण अमेरिका र अफ्रिकाबाट एक–एक टोलीले मात्र स्थान बनाएका छन्। कीर्तिमानी पाँच पटकको विजेता ब्राजिल राष्ट्रिय फुटबल टोलीसहित तीनै सह-आयोजक राष्ट्र अमेरिका, मेक्सिको र क्यानडा अन्तिम १६ बाटै बाहिरिए। यस्तै क्रिस्टियानो रोनाल्डोको पोर्चुगल राष्ट्रिय फुटबल टोली पनि प्रिक्वाटरफाइनलबाटै बाहिरिएको छ।
साविक विजेता अर्जेन्टिना राष्ट्रिय फुटबल टोलीसँगै पूर्व विश्वविजेता फ्रान्स राष्ट्रिय फुटबल टोली, स्पेन राष्ट्रिय फुटबल टोली र इङ्गल्याण्ड राष्ट्रिय फुटबल टोलीले पनि अन्तिम आठमा स्थान सुरक्षित गरेका छन्। अब एक दिनको विश्रामपछि क्वाटरफाइनलका खेलहरू सुरु हुनेछन्।
क्वाटरफाइनल समिकरण
फ्रान्स vs मोरक्को
२०२२ विश्वकपको सेमिफाइनलको पुनःभेट। त्यतिबेला फ्रान्सले मोरक्कोलाई २–० ले हराउँदै फाइनल पुगेको थियो।
स्पेन vs बेल्जियम
स्पेन १६ वर्षपछि र बेल्जियम ८ वर्षपछि विश्वकपको क्वाटरफाइनलमा पुगेका हुन्।
नर्वे vs इंग्ल्यान्ड
पहिलो पटक क्वाटरफाइनल पुगेको नर्वेले १९६६ को विश्वविजेता इंग्ल्यान्डको चुनौती सामना गर्नेछ।
अर्जेन्टिना vs स्विट्जरल्यान्ड
साविक विजेता अर्जेन्टिना लगातार दोस्रो उपाधिको लक्ष्यमा हुनेछ भने स्विट्जरल्यान्ड ७२ वर्षपछि विश्वकपको क्वाटरफाइनल पुगेको हो।