आज बाट इन्डोनेसियाले आफ्ना देशका कामदारलाई मलेसिया जान प्रतिबन्ध लगाएको छ।
इन्डोनेसियाले बुधबार (जुलाई १३) मा दुई देशबीच भएको कामदार भर्ना सम्झौताको उल्लङ्घन भएको भन्दै वृक्षारोपण क्षेत्रका लागि भर्ना गरिएका हजारौं सहित आफ्ना नागरिकहरूलाई मलेसियामा काम गर्न पठाउन अस्थायी रूपमा रोकेको छ।
यस्तो प्रतिबन्ध निर्णयले मलेसियाको पाल्म क्षेत्र मा ठुलो झटका लागेको छ – विश्वको दोस्रो सबैभन्दा ठूलो पाम तेल उत्पादक र विश्वव्यापी आपूर्ति श्रृंखलामा एक प्रमुख लिंक भएका मलेशिया ले अहिले लगभग १२ लाख बिदेशी कामदारहरूको अभावको सामना गरिरहेको बेला यस्तो निर्णयलेमलेशिया को आर्थिक पुन: प्राप्तिलाई पटरीबाट हटाउन सक्छ।
घरेलु कामदारहरूका लागि अनलाइन भर्ती प्रणालीको निरन्तर सञ्चालनले मलेसिया र इन्डोनेसिया बीच अप्रिलमा हस्ताक्षर गरेको सम्झौताको सर्तहरूको उल्लङ्घन गर्यो, मलेशियन घरपरिवारमा कार्यरत घरेलु कामदारहरूको सुरक्षालाई सुधार नगरे सम्म प्रतिबन्द रहिरहेने मलेशियाका लागि इन्डोनेसियाका राजदूत हर्मोनोले भने।
मलेसियाका मानव संशाधन मन्त्री दातुक सेरी एम सरावनानले इन्डोनेसियाका अधिकारीहरूबाट आफूलाई प्रतिबन्द गरिएको जानकारी दिएको पत्र प्राप्त भएको पुष्टि गरे। उनले रोयटर्सलाई भने कि उनले यस विषयमा अध्यागमन विभागको निरीक्षण गर्ने गृह मन्त्रालयसँग छलफल गर्नेछन्।
हर्मोनोका अनुसार मलेसियाली कम्पनीहरूले कामदारहरूका लागि करिब २०,००० आवेदन पेश गरेका थिए, जसमध्ये आधाजसो वृक्षारोपण र उत्पादन क्षेत्रमा कामका लागि थिए।
मलेशियाका रोजगारदाताहरुले बिदेशी कामदारहरूलाई गर्ने कुव्यवहारलाई लिएर हालका वर्षहरूमा बढ्दो चिन्ता बढ्दै गएको छ, पछिल्ला दुई वर्षमा सात मलेसियाली कम्पनीहरूलाई अमेरिकाले “बर्जित श्रम श्रेणी मा जबर्जस्ति श्रम गराउने ” भनेर वर्णन गरेकोमा प्रतिबन्ध लगाएको थियो ।