काठमाडौं । नेपाल विद्यालय कर्मचारी परिषद्ले दोस्रो चरणको आन्दाेलनका कार्यक्रम घोषणा गर्ने भएको छ । शनिबार बसेको जिल्ला अध्यक्षहरु सहितको राष्ट्रिय समितिको बैठकले दोस्रो चरणको आन्दाेलनका कार्यक्रम घोषणा गर्ने निर्णय गरेको हो ।
राष्ट्रिय समितीले बबन कुमार मिश्रको संयोजकमा ११ सदस्यीय आन्दोलन परिचालन समिति गठन गरी केही दिन भित्र दोश्रो चरणकको आन्दोलनका कार्यक्रम घोषणा गर्ने निर्णय गरेको अध्यक्ष गंगाराम तिवारी बताए ।
तलबब सुविधा लगायतका विषयमा सरकारले चासो नदेखाएको भन्दै उनिहरु आन्दोलनमा उत्रन लागेका हुन् । पहिलो चरणको आन्दोलन पश्चात आश्वासन बाहेक केही नपाएको निष्कर्ष निकाल्दै उनीहरुले आन्दोलन बाहेक अर्को विकल्प नभएको बताए
प्रकाशित मिति : २०७९ असार १९ गते आइतवार