काठमाडौं । नेपाली सुनचाँदी तथा गहना व्यवसायलाई आधुनिक प्रविधिसँग जोड्दै कारोबार, लेखा व्यवस्थापन तथा ग्राहक सेवालाई सहज र व्यवस्थित बनाउने उद्देश्यले मात्रिका टेक्नोलोजी प्रा.लि.ले नयाँ डिजिटल प्रणाली ‘जेजे लाइट’ (JJ Lite) सार्वजनिक गरेको छ।
कम्पनीले असोज २९ गते काठमाडौंको बत्तीसपुतलीस्थित शिल्पी थिएटरमा उक्त प्रणाली सार्वजनिक गरेको हो। विगत आठ वर्षदेखि ‘जे–ज्वेलरी सफ्टवेयर’मार्फत गहना व्यवसायलाई डिजिटल सेवा प्रदान गर्दै आएको कम्पनीले साना तथा ठूला गहना व्यवसायीलाई लक्षित गर्दै नयाँ प्रणाली बजारमा ल्याएको जनाएको छ।
जेजे लाइटले गहना पसलको दैनिक कारोबार, बिक्री तथा बिलिङ, खरिद व्यवस्थापन, मौज्दात विवरण, कालिगडको हिसाबकिताब र ग्राहक सेवासम्बन्धी कार्यलाई एउटै डिजिटल प्रणालीबाट सञ्चालन गर्न सहयोग गर्नेछ। यसले व्यवसायीलाई कारोबारको अभिलेख व्यवस्थित राख्न, लेखा व्यवस्थापन सहज बनाउन तथा व्यावसायिक गतिविधिलाई थप प्रभावकारी बनाउन मद्दत पुग्ने अपेक्षा गरिएको छ।
एउटै प्रणालीमा कारोबारदेखि लेखासम्मको सुविधा
जेजे लाइटमा गहना व्यवसायको दैनिक सञ्चालनलाई सहज बनाउने विभिन्न सुविधा समावेश गरिएका छन्। यसअन्तर्गत बिक्री तथा बिलिङ, खरिद व्यवस्थापन, मौज्दात विवरण, कालिगड व्यवस्थापन र ग्राहक सम्बन्ध व्यवस्थापन (सीआरएम) रहेका छन्।
त्यसैगरी, व्यावसायिक कागजात व्यवस्थापन तथा नेपाल वित्तीय प्रतिवेदन मान (एनएफआरएस) मा आधारित लेखा व्यवस्थापनको सुविधा पनि उपलब्ध रहेको कम्पनीले जनाएको छ।
नेपाली र अंग्रेजी दुवै भाषामा प्रयोग गर्न सकिने यो प्रणाली कम्प्युटर, ट्याब्लेट तथा मोबाइलबाट सञ्चालन गर्न सकिन्छ। यसले व्यवसायीलाई विभिन्न उपकरणमार्फत आफ्नो कारोबारसम्बन्धी विवरण हेर्न र व्यवस्थापन गर्न सहज बनाउनेछ।
कम्पनीका अनुसार जेजे लाइटको सेवा मासिक ९९९ रुपैयाँदेखि उपलब्ध छ। यसले सीमित स्रोतसाधन भएका साना तथा मझौला गहना व्यवसायीलाई समेत डिजिटल प्रविधि अपनाउन सहज हुने अपेक्षा गरिएको छ। इच्छुक व्यवसायीले कम्पनीको आधिकारिक वेबसाइट www.jjnepal.com मार्फत थप जानकारी लिन सक्नेछन्।
गहना व्यवसायका लागि थप डिजिटल सेवा
मात्रिका टेक्नोलोजीले जेजे लाइटसँगै गहना व्यवसायलाई विभिन्न डिजिटल सेवासँग जोड्ने उद्देश्यले अन्य नवीन अवधारणासमेत अघि सारेको छ।
कम्पनीले गहना पसललाई विद्युतीय व्यापारसँग जोड्न ‘जेजे मार्ट’ (JJ-Mart), ग्राहकलाई नियमित रूपमा रकम जम्मा गर्दै सुनचाँदी बचत गर्ने अवसर प्रदान गर्न ‘जेजे बचत’ (JJ-Bachat) तथा गहना व्यवसायसँग सम्बन्धित पात्रो र जानकारी उपलब्ध गराउन ‘जेजे पात्रो’ (JJ-Patro) को अवधारणा विकास गरेको जनाएको छ।
त्यस्तै, कृत्रिम बुद्धिमत्तामा आधारित ‘जेजे साथी’ (JJ-Sathi) ले प्रयोगकर्तालाई प्रणाली सञ्चालन गर्न तथा आवश्यक जानकारी प्राप्त गर्न सहयोग गर्ने लक्ष्य राखेको छ।
गहना व्यवसायीबीच ज्ञान र अनुभव आदानप्रदानका लागि ‘जेजे कम्युनिटी’ (JJ-Community) तथा व्यावसायिक ज्ञान र सीप अभिवृद्धिका लागि ‘जेजे पाठशाला’ (JJ-Pathshala) पनि कम्पनीका नवीन पहल हुन्।
यसका अतिरिक्त ग्राहकको रुचिअनुसार चिना तयार गर्ने तथा रत्न र धातुसम्बन्धी सुझाव प्रदान गर्ने सुविधा पनि समावेश गरिएको कम्पनीले जनाएको छ।
नेपाली कालिगडको सीपलाई अन्तर्राष्ट्रिय बजारसम्म पुर्याउने लक्ष्य
मात्रिका टेक्नोलोजीले नेपाली गहना उद्योगको मौलिकता, सिर्जनशीलता र पहिचानलाई आधुनिक प्रविधिसँग जोड्दै अन्तर्राष्ट्रिय बजारसम्म पुर्याउने दीर्घकालीन लक्ष्य राखेको छ।
कम्पनीका अनुसार नेपाली गहना उद्योगको प्रमुख शक्ति यहाँका कालिगडको सीप, सिर्जनशीलता र परम्परागत कला हो। यस सीपलाई आधुनिक प्रविधि र गुणस्तरीय व्यवस्थापनसँग जोड्न सके नेपाली गहनाको पहिचान र प्रतिस्पर्धात्मक क्षमता अभिवृद्धि गर्न सकिने कम्पनीको विश्वास छ।
परम्परागत रूपमा सञ्चालन हुँदै आएका गहना व्यवसायमा डिजिटल प्रणालीको प्रयोग बढाएर कारोबारलाई व्यवस्थित बनाउने, अभिलेख सुरक्षित राख्ने र ग्राहकलाई प्रभावकारी सेवा उपलब्ध गराउने दिशामा कम्पनीले काम गरिरहेको जनाएको छ।
गहना व्यवसायमा महिला सहभागितालाई प्राथमिकता
कम्पनीले गहना व्यवसायमा महिलाको सक्रिय सहभागिता, साझेदारी तथा नेतृत्वलाई प्रोत्साहन गर्ने लक्ष्यसमेत अघि सारेको छ।
विशेषगरी साना तथा मझौला गहना पसलमा महिला र पुरुष दुवैको सहभागिता बढाउँदै महिलालाई व्यवसाय सञ्चालन र निर्णय प्रक्रियामा सहज पहुँच उपलब्ध गराउनुपर्नेमा कम्पनीले जोड दिएको छ।
व्यवसायको व्यवस्थापनमा दम्पतीको सहकार्यले सकारात्मक परिणाम दिन सक्ने अनुभवलाई ध्यानमा राख्दै महिलालाई प्रविधिको प्रयोग, व्यवसाय सञ्चालन र निर्णय प्रक्रियामा थप सहभागी गराउने लक्ष्य लिइएको कम्पनीले जनाएको छ।
परम्परा र प्रविधिबीच सहकार्यमा जोड
मात्रिका टेक्नोलोजीले प्रविधिलाई परम्पराको विकल्पका रूपमा नभई परम्परागत सीप र व्यवसायलाई अझ व्यवस्थित, दिगो तथा सम्भावनायुक्त बनाउने माध्यमका रूपमा लिएको छ।
नेपाली गहना उद्योगको आधुनिकीकरण र डिजिटल रूपान्तरणका लागि गहना व्यवसायी, कालिगड, ग्राहक, सम्बन्धित निकाय तथा सञ्चारमाध्यमसँग सहकार्य गर्दै अघि बढ्ने कम्पनीको लक्ष्य छ।
जेजे लाइट तथा यससँग सम्बन्धित अन्य डिजिटल सेवाको विस्तारले नेपाली सुनचाँदी तथा गहना व्यवसायमा प्रविधिको प्रयोग बढाउन, दैनिक कारोबार व्यवस्थापन सहज बनाउन र व्यवसायीलाई बदलिँदो डिजिटल बजारअनुकूल बनाउन सहयोग पुग्ने अपेक्षा गरिएको छ।
थप जानकारी तथा सम्पर्क
कम्पनी: मात्रिका टेक्नोलोजी प्रा.लि.
वेबसाइट: www.jjnepal.com
इमेल: matrikatechnology@gmail.com
सम्पर्क नम्बर: ९८५२०४४१०२
