ओमानले भोलिदेखि नयाँ ‘वर्क पर्मिट फी’ लागू गर्ने



काठमाण्डौ | ओमानले जुनदेखि श्रम अनुमति अर्थात् वर्क पर्मिटको लागि नयाँ शुल्क निर्धारण गर्ने भएको छ । ओमानमा कार्यरत विदेशी श्रमिकहरूलाई मात्र नयाँ शुल्क तोकिने त्यहाँको श्रम मन्त्रालयलाई उद्धृत गर्दै गल्फ न्युजले जनाएको छ । गल्फ न्युजका अनुसार मध्यम र उच्च पेसामा आबद्ध तथा प्राविधिक र विशेष क्षेत्रमा कार्यरत श्रमिकलाई मात्र यो नियम लागू गरिएको हो ।

वर्क पर्मिट शुल्क नयाँ व्यवसायको लागि पनि हुने बताइएको छ । तर नयाँ वर्क पर्मिटको शुल्क कति हुने भन्ने बारे बताइएको छैन ।

बहराइनले लगायो नेपाली नागरिकको प्रवेशमा रोक, नियम उल्लङ्घन गरे कारबाही
बहराइनले नेपाली नागरिकको प्रवेशमा रोक लगाएको छ । २३ मे अर्थात् आज आइतबारदेखि नेपालीसहित लगाउने भएको छ । नेपालीसहित भारत, पाकिस्तान, श्रीलङ्का र बङ्गलादेशबाट आउने यात्रुलाई प्रतिबन्ध लगाएको हो । तर यी देशबाट बहराइनी नागरिक, गल्फ को अपरेसन काउन्सिलका नागरिक तथा बहराइनको बसोबासको भिसा भएकाले भने प्रवेश गर्न पाउनेछन् । तर यी देशबाट यात्रा गर्नेहरूले १० दिन अनिवार्य क्वरेण्टीनमा बस्नुपर्नेछ ।

यात्रा गर्नुअघि ४८ घण्टासम्मको पीसीआर परीक्षण गरेको र क्युआर कोडसहितको नेगेटिभ रिपोर्ट पेस गर्नुपर्छ । बहराइनमा १० दिनभन्दा बढी बस्ने यात्रुको लागि एयरपोर्ट आगमन पश्चात् बहराइन दिनार ३६ तिरेर पहिलो पटक तथा पाँचौँ र दसौँ दिनमा समेत पीसीआर परीक्षण गर्नुपर्छ ।

यसै गरी बहराइनमा पछिल्लो केही दिन यता कोरोना सङ्क्रमण दर बढेकाले सङ्क्रमण नियन्त्रणका लागि कडाइ गरिएको छ । ३ जुनसम्मका लागि सरकारी कार्यालयहरू, सपिङ मल, रेस्टुरेन्ट, सिनेमा घर आदि सार्वजनिक ठाउँहरुमा १८ वर्षभन्दा माथिका तथा दोस्रो डोज खोप लगाएको १४ दिन बढी भइसकेको र कोरोना सङ्क्रमण निको भएकाहरूले मात्र अनुमति पाउनेछन् ।

यी ठाउँमा प्रवेश गर्नका लागि BeAware एप्लिकेशनमा Green Shield देखाउन अनिवार्य गरिएको छ । निजी भेला समारोहमा समेत अधिकतम ६ जनाको सहभागिता निश्चित गरिएको बहराइनमा रहेको नेपाली दूतावासले जनाएको छ । कोरोना सङ्क्रमण रोकथामका लागि जारी मापदण्ड नमान्नेलाई बहराइन दिनार १ हजारदेखि १० हजारसम्म र कम्तीमा तीन महिनाको जेल सजाय वा दुवै हुन सक्नेछन् । बहराइन सरकारले त्यहाँ रहेका आप्रवासी श्रमिकलाई पनि खोप उपलब्ध गराइरहेको छ । खोप लगाउन बहराइन सरकारको स्वास्थ्य मन्त्रालयमा आवेदन दिन सकिन्छ ।

प्रकाशित मिति : २०७८ जेष्ठ १७ गते सोमवार