प्रत्यक्षतर्फ रास्वपाको दबदबा : १२९ क्षेत्रको नतिजा आउँदा १०० सिट जित्यो [सूचीसहित]

काठमाडौं । प्रतिनिधिसभा सदस्य निर्वाचनको प्रत्यक्षतर्फको मतगणना जारी रहँदा राष्ट्रिय स्वतन्त्र पार्टी (रास्वपा)ले स्पष्ट अग्रता कायम गरेको छ। हालसम्म १२९ निर्वाचन क्षेत्रको नतिजा सार्वजनिक हुँदा रास्वपाले १०० सिट जित्दै सबैभन्दा ठूलो दल बनेको छ।

सुरुवाती चरणदेखि नै अग्रता बनाएको रास्वपापछि नेपाली कांग्रेस दोस्रो स्थानमा रहेको छ। कांग्रेसले हालसम्म १४ सिट जितेको छ। त्यस्तै नेकपा एमालेले ७ सिट, नेकपाले ६ सिट, राष्ट्रिय प्रजातन्त्र पार्टी (राप्रपा) र एक स्वतन्त्र उम्मेदवारले १–१ सिट जितेका छन्।

रास्वपाबाट निर्वाचित प्रमुख उम्मेदवारहरूमा बालेन्द्र शाह, इन्दिरा राना मगर, स्वर्णिम वाग्ले, शिशिर खनाल, सागर ढकाल, रञ्जु न्यौपाने र रवि लामिछाने लगायत रहेका छन्।

मतगणना अझै जारी रहेकाले बाँकी क्षेत्रको परिणाम आउन बाँकी रहेको निर्वाचन आयोगले जनाएको छ।