काठमाडौं । रोजगार अनुमति प्रणाली (ईपीएस) अन्तर्गत कोरियामा काम गर्न इच्छुक नेपालीले ठूलो संख्यामा आवेदन दिएका छन्। साउन २६ गतेदेखि ३१ गतेसम्म खुला गरिएको आवेदनमा एक लाख २ हजार ५६४ जनाले फारम भरेको ईपीएस कोरिया शाखाले जनाएको छ।
शाखाका अनुसार यस पटकको भाषा परीक्षाबाट करिब ५ हजार ३ सय जना मात्र उत्तीर्ण हुने अनुमान छ। उत्तीर्ण हुनेमध्ये उत्पादनमूलक क्षेत्रमा ३ हजार ५ सय र कृषि तथा पशुपालन क्षेत्रमा १ हजार ८ सय जना रहनेछन्।
तर, आवेदन दिनेहरुको संख्या धेरै भएकाले उत्पादन र कृषि क्षेत्रतर्फका आवेदकलाई छुट्याउने कार्य अझै बाकी रहेको शाखाले जनाएको छ।
कोरियाली श्रम बजारमा रोजगारी पाउन चाहने नेपाली युवाको आकर्षण यसपटक पनि उच्च रहेको यस तथ्यांकले देखाएको छ।
प्रकाशित मिति : २०८२ भाद्र १ गते आइतवार