जेलबाट छुटेलगत्तै शोभराजले भने- नेपाल सरकारसहित धेरैलाई मुद्दा हाल्छु

बागमती अनलाइन

जेलबाट छुटेलगत्तै शोभराजले भने- नेपाल सरकारसहित धेरैलाई मुद्दा हाल्छु

काठमाडौं । सिरियल किलर चार्ल्स सोभराजले नेपालबाट जेलमुक्त भएसँगै धेरैलाई मुद्दा हाल्ने बताएका छन् । उनी करिब २० वर्षपछि शुक्रबार नेपालको केन्द्रीय कारागारबाट थुनामुक्त भएर विमानस्थल पुगेपछि यस्तो बताएको एएफपीले उल्लेख गरेको छ ।

शोभराजको भनाइलाई उद्धृत गर्दै एएफपीले लेखेको छ, ‘मलाई राम्रो लागेको छ । मैले धेरै गर्नुछ । मैले नेपाल सरकारसहित धेरैलाई मुद्दा चलाउनु छ ।’

सन् २००३ देखि नेपालमा क्यानेडियन र अमेरीकी नागरिकको हत्या आरोपमा सजाय भोगिरहेका ७८ वर्षीय शोभराजलाई सर्वोच्च अदालतले वुधबार थुनामुक्त गरेर उनकै देश पठाउन आदेश जारी गरेको थियो ।

प्रकाशित मिति : २०७९ पुष ८ गते शुक्रवार
प्रतिक्रिया दिनुहोस्