अष्ट्रेलिया । अष्ट्रेलियामा अन्तरराष्ट्रिय विद्यार्थी र विदेशी कामदारहरू भित्रिने क्रम बढेको छ। अष्ट्रेलियामा भिसा अनुमोदनहरू कोरोना महामारी भन्दा पहिले कै दरमा भएपछि अन्तर्राष्ट्रिय विद्यार्थी र विदेशी कामदारहरू फर्किएको नयाँ डाटाले देखाएको छ।
दुई वर्ष लकडाउनमा परेका विदेशी विद्यार्थीहरूले अष्ट्रेलिया छोडेर बेलायत वा अन्य देशहरूमा अध्ययन गर्न खोज्ने भनी भ्रममा परेको त्रास निरर्थक रहेको पनि उल्लेख गरिएको छ। रिक्त पदहरू भर्न संघर्ष गरिरहेका विशेष गरी सेवा क्षेत्रमा कार्यरत कम्पनीहरूका लागि स्वीकृतिहरूको वृद्धि धेरै व्यवसायहरूको कानमा सुमधूर संगीत हुने बताइएको छ।
राष्ट्रिय अर्थतन्त्रमा वार्षिक ४० अर्ब डलर आम्दानी गर्ने विद्यार्थीहरूको संख्या पुरानै तहमा फिर्ता भएपछि विश्वविद्यालयहरूले पनि ठूलो राहतको सास फेर्ने अष्ट्रेलियन मिडियाहरूमा उल्लेख छ। यद्यपि, त्यहाँ केहिका लागि एक नकारात्मक पक्ष पनि हुनेछ।
नयाँ आगमनहरूले विशेष गरी सिड्नी र मेलबर्नका भाडा बजारमा अझ बढी दबाब दिने अनुमान गरिएको छ। नयाँ रिपोर्टले भाडामा लिनेहरूले चाँडै आफ्नो वित्तीय सीमामा पुग्न सक्ने सुझाव दिएको छ। तर, आतिथ्य, पर्यटन र प्रशासन क्षेत्रहरूले धेरै महिनादेखि भोगेको आफ्ना कर्मचारीहरूको अभाव परिपूर्ति गर्ने पक्षमा भने सुधारको संकेत पाउने अनुमान गरिएको छ।
त्यसैगरी, जागिरका लागि अतिरिक्त प्रतिस्पर्धाले अष्ट्रेलियाका कामदारहरूलाई असर गर्ने वरिष्ठ अर्थशास्त्री डियाना माैसिनाले अनुमान गरेकी छन्।
मौसिनाका अनुसार विदेशी कामदारको फिर्तिले उच्च मुद्रास्फीतिसँग बेरोजगारी दरलाई हालको ४८ वर्षको न्यून स्तरबाट माथि धकेल्नेछ।बसाइसराइको फिर्तिले हालैको रिजर्व बैंक नगद दर वृद्धिको लागि कमजोर भएको वासको मागलाई पनि असर गर्न सक्ने बताएकी छन्।
यद्यपि स्थायी र दीर्घकालीन आगमनहरू पूर्व-कोरोनाभाइरस स्तरमा पुगिकेता पनि अष्ट्रेलियाको अन्तर्राष्ट्रिय यात्रा धेरै सुस्त भएको पाइएको छ। – स्रोत : My Nepal Television