काेरियाबाट आयो खुसीको खबर : भाषा पास गरेर जान नपाएकाहरुकाे समय थपियो !



काठमाडाैं, २४ फागुन । ईपीएसमार्फत दक्षिण कोरिया जान भाषा परीक्षा पास गरी बसेका युवाका लागि छ महिना समय थप्न कोरिया सहमत भएको छ । यसबाट कोरियाली भाषा पास गरेका तर कोरोनाका कारण कोरिया जान नपाएका नेपाली युवा लाभान्वित हुनेछन् । परिमार्जित पूर्वप्रस्थान अभिमुुखीकरण तालिम पाठ्यक्रम कार्यान्वयन सम्बन्धमा आयोजना गरिएको प्रशिक्षकका लागि पुनर्ताजगी तालिमको समापन गर्न वैदेशिक रोजगार बोर्डले आइतबार राजधानीमा आयोजना गरेको कार्यक्रममा श्रम, रोजगार तथा सामाजिक सुरक्षामन्त्री गौरीशङ्कर चौधरीले उक्त जानकारी दिएका हुन् ।

मन्त्री चौधरीले अवधि थप गर्नेबारे दक्षिण कोरियाको मानव संसाधन विभाग (एचआरडी) सहमत भएको पनि जानकारी दिए । मन्त्री चौधरीले कतारसँग हालको सम्झौतालाई संशोधन गरी जीटूजीमार्फत श्रमिक पठाउनका लागि नेपालका लागि कतारी राजदूतसँग छलफल भएको र यसमा विषयमा राजदूत सकारात्मक भएकोसमेत जानकारी दिए । यो समाचार आजको गोरखापत्र दैनिकमा छ ।

कोरियामा रोजगार स्थल परिबर्तन गर्न सहज हुदै , ब्याबस्थित आवास नभए सजिलै परिबर्तन गर्न पाउने
दक्षिण कोरियामा रोजगारदाताले ब्याबस्थित आवास दिन नसके प्रवासी श्रमिकले आफूखुसी कार्यस्थल परिवर्तन गर्न पाउने भएका छन lश्रम तथा रोजगार मन्त्रालयले मंगलवार बताए अनुसार यदि रोजगारदाताहरूले फिनिल ग्रीनहाउसहरूमा बनाइएको अस्थायी बासस्थान जस्ता निम्न स्तरको आवास प्रदान गरे भने आप्रवासी कामदारहरूले आफूखुसी आफ्नो काम गर्ने ठाउँ परिवर्तन गर्न पाउने छन ।

यो बाहेक मन्त्रालयले सम्बन्धित सरकारी निकायसँगको सहकार्यमा रोजगार अनुमति प्रणाली (ईपीएस) अन्तर्गत कोरियामा काम गरिरहेका विदेशी नागरिकहरूको जीवनस्तरमा सुधार गर्न अन्य खाकाहरुपनि तयार गरेको बताएको छ l
कोरियामा गत डिसेम्बरमा अत्यन्तै न्यूनस्तरको आवासका कारण एकजना कम्बोडियन श्रमिकको मृत्यु भएपछी श्रमिक संगठनहरुले इपिएस प्रणालीमा सुधार गर्नुपर्ने भन्दै सरकारलाई ब्यापक दवाब दिदै आएका थिए l

मन्त्रालयले भनेकोछ कि “अत्यन्तै न्यून स्तरको आवासलाइ कामदारहरूले आफ्नो कार्यस्थल बदल्न अनुमति दिने कारणहरूको सूचीमा समावेश गरिनेछ,साथै अनुपयुक्त आवास प्रदान गर्ने व्यवसायका मालिकलाई विदेशी कामदारहरू राख्न प्रतिबन्ध लगाइनेछ “।

हाल, आप्रवासी कामदारहरूलाई उनीहरूको पहिलो र दोस्रो सम्झौता बीच ५ पटक सम्म कार्यस्थल परिबर्तन गर्न पाउने अधिकार दिइएको छ l तर सामान्यरुपमा परिवर्तन गर्न चाहेमा रोजगारदाताको अनुमति अनिबार्य छ l तर यदि रोजगारदाता द्वारा भौतिक आक्रमण , यौन दुर्ब्याबहार , अमानविय ब्याबहार , तलव भुक्तानीमा ढिलाइ लगाएतका गल्ती प्रमाणित भएमा श्रमिकले आफूखुसी कार्यस्थल परिबर्तन गर्न पाउने कानुन छ l

प्रकाशित मिति : २०७७ फाल्गुन २४ गते सोमवार