काठमाडौँ, २६ माघ । स्थानीय बजारमा आज सुनको मूल्य तोलामा रु २ सयले घटेको छ । छापावाला सुन तोलामा रु ९० हजार ४ सयमा कारोवार भएको छ । छापावाला सुन आइतबार तोलामा रु ९० हजार ६ सयमा कारोवार भएको थियो ।
नेपाल सुनचाँदी व्यवसायी महासङ्घका अनुसार तेजाबी सुन पनि तोलामा रु २ सयले घटेको छ । रु ९० हजार १५० मा आइतबार कारोवार भएको तेजाबी सुन आज रु ८९ हजार ९५० मूल्य निर्धारण भएको छ ।
त्यस्तै, चाँदी तोलामा रु पाँचले बढेको छ । रु एक हजार ३१० मा आइतबार कारोवार भएको चाँदी आज तोलामा रु एक हजार ३१५ मूल्य निर्धारण भएको छ ।
प्रकाशित मिति : २०७७ माघ २६ गते सोमवार