बाबुरामलाई कमल थापाको जवाफः संघीयता र गणतन्त्रको सक्कली मालिक अर्कै हो, तिमी नक्कली



काठमाडौं । उग्र गणतन्त्र तथा संघीयतावादीका रुपमा चिनिएका पूर्वप्रधानमन्त्री बाबुराम भट्टराई र राजसंस्था पक्षधर कमल थापाबीच सामाजिक सञ्जालमा संघीयता र गणतन्त्रको विषयलाई लिएर सामाजिक सञ्जालमा भनाभन चलेको छ । राष्ट्रिय प्रजातन्त्र पार्टीका अध्यक्ष थापा र जनता समाजवादी पार्टीका संघीय परिषद अध्यक्ष बाबुरामबीच संघीयता र गणतन्त्रका विषयलाई लिएर आरोप–प्रत्यारोप चलेको हो । एक दैनिक पत्रिकामा कमल थापाको ‘अब घडीको सुई पछाडि फर्काउन सकिन्न’ शीर्षकमा लेखेमाथि टिप्पणी गर्दै बाबुरामले ग्वेबल्स शैलीमा दुष्प्रचार गरेको आरोप लगाएपछि थापाले त्यसको प्रतिवाद गरेका छन् ।

बाबुरामले लेखेका छन्, ‘मेरा सहपाठी मित्र कमल थापाले ग्वेबल्सको दुष्प्रचार–सूत्र ’झुटोलाई सय चोटि दोहोर्याए पछि सत्य बन्छ’को अनुशरण गर्दै पुनः गणतन्त्र, संघीयता, धर्मनिरपेक्षतालाई विदेशी षड्यन्त्र भनेछन् ! क्रान्तिका अगुवा प्रचण्ड–बाबुरामहरू जिउॅादो छॅदै यस्तो झुट बोल्नु ‘देख्नेको अगाडि सुन्नेको सही’ भएन र ?” बाबुरामले यस्तो टिप्पणी गरेपछि थापाको प्रतिक्रिया छ, ‘फेरी हसाउनु भयो सहपाठी मित्र बाबुरामले । कति हास्नु हौ ! क्रान्तिको’भारी’ नेपालमा तपाईहरूले बोकेर ल्याएको हो । त्यसमा कुनै विरोध छैन । तर, त्यो भारीको मालिक तपाईहरू होईन, शुरूमा हो कि भनेर सबैले पत्याएका पनि थिए । तर, जब सक्क्ली मालिकले भारिको दाबी गरेपछि त्यसमा तपाईले बालहठ नदेखाएकै बेश ।’

प्रकाशित मिति : २०७७ कार्तिक २७ गते बिहिवार