ललितपुर | आज आएको हावाहुरीले बागमती गाउँपालिका वडा नम्बर ७ गिम्दीकाे जनजीवन प्रभावित गरेको छ । बागमती गाउँपालिका वडा नम्बर ७ गिम्दीका कृष्ण बलले दिएको जानकारी अनुसार याे समाचार तयार पर्दासम्म गिम्दीका ४ वटा घरको छानाे उडाएको छ भने पाँच वटा टहरा तथा गाेठमा क्षति पुगेको छ । यस्तै बागमती गाउँपालिका वडा नम्बर ४ स्थित खयरघारीमा रहेको बागमती आधारभूत विद्यालयकाे शाैचालयकाे छानाे समेत हावाहुरीले उडाएको उक्त विद्यालयका प्रधानाध्यापक सन्तोष लामाले जानकारी दिए । यस्तै हावाहुरीकाे कारण दक्षिण ललितपुर स्थित बागमती गाउँपालिका भित्र विद्युत आपूर्ति समेत बन्द भएको छ। एक्कासि आएको हावाहुरीले बागमती गाउँपालिका भित्रका विभिन्न वडामा क्षति पुगेको समाचार प्राप्त भएको छ ।
प्रकाशित मिति : २०७७ जेष्ठ १३ गते मङ्गलवार