बुटवल । नेकपा एमालेका अध्यक्ष केपी शर्मा ओलीले एमाले सरकारमा जनाका लागि मात्रै केन्द्रित नभएको बताउनुभएको छ । एमालेले मुलुकबाट गरिबी उन्मुलन गर्दै समृद्ध नेपाली बनाउने अभियान लिएर हिँडेको भन्दै उहाँले एमालेले चुनावदेखि चुनाव र सरकारमात्रै नताक्ने बताउनुभयो । ‘एमाले जतिबेला सरकारमा जान्छ, जनताका पक्षमा काम गर्छ,’उहाँले भन्नुभयो।
०५१ सालको सरकारदेखि एमालेले नेतृत्वको पछिल्लो सरकारले देश विकासमा महत्त्वपूर्ण कार्य गरेको भन्दै उहाँले त्यस्ता सरकारलाई गिराउन प्रतिक्रियावादीहरू सक्रिय रहेको बताउनुभयो । ‘नेपालको नक्सा सच्याउने, विप्लप र सीके राउतलाई शान्तिपूर्ण राजनीतिमा ल्याउने काम हामीले गरेका हौं। अहिलेको सरकारको उपलब्धि १०० किलो सुन चोर्ने भएको छ। यस्तो पनि सरकार हुन्छ’, उहाँले प्रश्न गर्नुभयो।
नेपाल अब पछाडि परिराख्न नहुने बताउदै उहाँले प्राकृतिक स्रोत, खनिजको उपयोग बढाई युवाहरूलाई स्वदेशमै रोजगारीमा लगाउनुपर्ने उहाँको भनाइ छ। अहिलेको सरकार तस्करमा केन्द्रिकृत रहेको भन्दै राजश्व झन् घट्दै जाने उहाँले बताउनुभयो। ‘भन्सारबाट सुन आउने, कर नतिर्ने, पक्रिएको सुन हराउने। कतिसम्म लाजमर्दो काम गरेको हो। अहिले भ्रष्टाचारविरूद्ध अभियान होइन, भ्रष्टाचार अभियान चालेको हो,’ अध्यक्ष ओलीले भन्नुभयो।
उहाँले यति, ओम्नी र बाईवडी सहितका विषयमा छानविन गरेर देखाउन चुनौती दिनुभयो। ‘वाईडवडीमा कमिसन खानेहरू नै कुरा उठाउँछन्। मेरो चुनौती छ, छानविन गर जेल जाउ,ु उहाँले भन्नुभयो।
उहाँले एमालेका विरूद्धमा भ्रम छर्ने काम भइरहेको बताउँदै एमाले भ्रष्टाचार गर्न नभई जनताको काम गर्न सरकारमा जाने पार्टी भएको बताउनुभयो । उहाँले सरकार धेरै नचल्ने निष्कर्षमा प्रचण्ड पुगसिके पनि एमालेलेलाई सरकारमा जाने हतारो नभएको बताउनुभयो ।