हामीले चाह्यौँ भने यो सरकार एक हप्तामा ढल्छ : ओली



काठमाडौं । नेकपा एमालेका अध्यक्ष केपी शर्मा ओलीले आफूहरूले चाहे सरकार एक हप्ताभित्रै ढाल्न सक्ने बताएका छन्। प्रमुख प्रतिपक्ष दलका नेतासमेत रहेका अध्यक्ष ओलीले तर आफूहरूको लक्ष्य तत्काल सरकार ढाल्ने नरहेको स्पष्ट पारे ।

आज बुधवार काठमाण्डौमा आयोजित नेकपा एमाले वाग्मती प्रदेश अधिवेशन आयोजक कमिटीको प्रथम बैठकमा बोल्दै उनले भने, ‘अहिले पनि यो सरकार ढाल्दिउँ भन्ने हो भने धेरै त नभनौँ, एक हप्ताभित्र यो सरकार जान्छ । एमालेले ढाल्दिउँ भन्ने हो भने । यस्तै–यस्तै साँठगाँठ गर्ने हो भने त हामी सात दिनभित्र ढाल्दिन्छौँ ।

लोभी–पापीहरू छन्, दिए भइगो नि । ढलिहाल्छ नि, त्यो कुन ठूलो कुरा हो र ? दिए सिद्धिने कुरा छ त्यहाँ । अरूले भन्दा हामी दिन सक्छौँ नि । अरूले पाँच भाग लगाउनुपर्छ । हामीलाई त के छ र सिङ्गै आफू हो । प्रचण्ड मिलाउन देख्नुभएन ४० प्रतिशत ल, ढ्याक्कै । हामी त त्यो गर्न सक्छौँ नि । अरूले त्यो गर्न सक्छ रु कांग्रेसले माधवलाई चालिस प्रतिशत देओस् त रु प्रचण्डलाई देओस् त ४० प्रतिशत । सक्दैन । तर हाम्रो अभिष्ट चाहिँ सरकार बनाउने होइन ।

हामी देश बनाउनका लागि जित्ने कुरा गरिराखेका छौँ । हामी सरकार बनाउने कुरा गरिराखेका छौँ भन्दा देश बनाउनका लागि । देश बन्ने निश्चित गरेर मात्रै हामी सरकार बनाउँछौँ ।’ अध्यक्ष ओलीले देश बनाउने निश्चित भएपछि मात्रै आफ्नो पार्टी सरकारमा जाने बताए । उनले देश बनाउने कुरा र सरकार बनाउने कुरा फरक भएको उल्लेख गर्दै देश बनाउनका लागि आफूहरूले चुनावमा आफ्नो पार्टीलाई विजयी बनाउन चाहेको बताए ।

प्रकाशित मिति : २०७८ कार्तिक ३ गते बुधवार