कोरिया जान भाषा परिक्षा उतिर्ण गरेकाहरुले पुनः स्वास्थ्य परीक्षण गराउनुपर्ने



इपीएसमार्फत दक्षिण कोरिया जान सन् २०१९ मा भाषा परीक्षा उत्तीर्ण भएकाहरूले पुनः स्वास्थ्य परीक्षण गराउनुपर्ने भएको छ । २०१९ यता विभिन्न मितिमा स्वास्थ्य परिक्षण गरेका तर श्रम सम्झौता नआई एक बर्षको रोस्टर समाप्त भई दोस्रो बर्षको रोष्टर प्रकिया बढाउनको लागि पहिले परीक्षण गराएकै अस्पतालहरूबाट पुनः स्वास्थ्य परीक्षण गराउनुपर्ने वैदेशिक रोजगार विभाग अन्तर्गतको इपीएस कोरिया शाखाले जानकारी दिएको हो ।

काठमाडौँको शुक्रराज ट्रपिकल तथा सरुवा रोग अस्पताल टेकु, पाटन अस्पताल ललितपुर र नेपाल–कोरियामैत्री अस्पताल ठिमीबाट उनीहरूले जनही २२०० रुपैयाँ तिरी स्वास्थ्य परीक्षण गराउन सक्नेछन् ।

केही दिन अघि काेरिया पुगेका तिन नेपालीमा काेराेना पुष्टि
दक्षिण कोरियाबाट बिदामा नेपाल आएर कोरिया फर्केका तिन नेपालीमा कोरोना संक्रमण पुष्टि भएको छ । जुन ४ तारिखमा कोरियन एयरलाइन्सको सिधा उडान मार्फत कोरिया फर्केका ६५ जना विभिन्न भिसा वाहक नेपालीहरुको बुधबार पिसिआर परिक्षण गर्दा तिन जनामा संक्रमण पुष्टि भएको गैर आवासीय नेपाली संघ, राष्ट्रिय समन्वय परिषद (एनआरएनए दक्षिण कोरिया) ले हाम्रा खबरलाई जानकारी दिएको हो ।

यद्यपि याे संख्या अझै माथि हुन सक्ने हल्लाहरु भएपनि हाललाई तीन जनामा संक्रमण पुष्टि भएको हाम्रा खबरलाई जानकारी प्राप्त भएको हाे ।हाल पोजेटिभ देखीएका यात्रुलाई कुनै पनि लक्षण छैन, उनिहरु कोरिया प्रस्थान गर्नु अघि स्टार हस्पिटल र टेकुमा परिक्षण गराउदा दुबै रिपोर्ट नेगेटिभ आएका थियो।

विदेशीमा काेराेना देखिएपछि काेरियाले विषेश निग्रानी तथा उक्त देशमा थप प्रतिबन्ध लगाउन सक्छ ।तर नेपालकाे बारेमा थप कुनै नयाँ नियम लगाएको खुलेको छैन ।

प्रकाशित मिति : २०७८ असार १० गते बिहिवार